Priyanka Chopra Reacted to a Troller Who Tried to Teach Her Dress Sense


Actress Priyanka Chopra inn dino apni book 'Unfinished' ko lekar surkhiyo me hai. Iss book me actress ne aise khulase kiye hai, jinki charcha Bollywood se lekar Hollywood tak ho rahi hai. Iss beech actress ki ball-shaped dress ki photos viral ho rahi hai. Social Media par memes banaye jaa rahe hai. Actress bhi memes ko enjoy kar rahi hai. Iss beech inki dress ko lekar ek troller ne actress ko 'figure' aur dress ko lekar comment kiya tha.

'Achhe Figure Ka Kya Matlab'

Priyanka ki ball-shaped dress ke memes Wednesday ko Social Media par viral hue. Chuninda memes ko actress ne social media account par share bhi kiya hai. Isi dauran ek troller ne tweeter par unke photo ko lekar tweet kiya tha. User ka kehna hai ki, 'Kya aap vakai isee lekar gambhir hai. Agar yah dress hai to achhe figure ka kya matlab?' Ispar Priyanka ne reply likha, 'Baat yeh hai ki figure mayne nahi rakhta. Yahi mahatvapurna baat hai.' Actress ne bade majakiya andaaz me bata diya ki figure ka achha ya bura hona zaroori nahi hai.

Memes Ki Chahiti Priyanka

Asal me, Priyanka ki dress ko lekar Social Media par jo memes bane, usme actress ki dress ko lekar mazak udaya gaya. Esa pehli baar nahi hai. Priyanka ke dress pe memes bante aaye hai. Ekbaar unke hairstyle par bhi kaafi memes bane the. Inpar Priyanka ka kehna hai ki vah trollers par dhyan nahi deti hai. Vah vahi karti hai, jo unhe sahi lagta hai. Vah kehti hai ki yah aap par depend karta hai ki aap use gambhirta se lete hai ya nahi. Anjaan logo ki raay se kisi ko farak nahi padna chahiye.

Post a Comment

0 Comments